Qasigiannguani illoqarfiup radioa nutaaq
Qasigiannguani illoqarfiup radiortaava tallimanngornermi aggutsip 29-iani pisortatigoortumik ammarneqarpoq.
Qasigiannguit radioata sulisuisa sisamaasut tusarnaartartut atuffassinernik, oqaluttuartitsinernik ulluueranilu pisunik assigiinngitsunik paasissutissanik pilersorpaat.
– Siunissami aamma aliikkusersuinernik aallakaatitassiortalernissarput anguniagaavoq, taamak illoqarfiup radioata pisortaa Hansiaraq Zeeb sermitsiaq.gl-imut oqarpoq.
Illoqarfiup radioa misileraalluni qaammatini pingasuni allakaatitsereerpoq, kisianni tallimanngormat aatsaat pisortatigoortumik ammarluni. Ingerlatsinermut aningaasartuutit bingo-rtitsinikkut, nalunaarutinit, pilluaqqussutinit pilerisaarutinillu matussusersorneqassapput.
– Aallakaatitsisarfitta aamma nipilersortarfinngortillugu allilernissaa anguniagaraarput. Aamma radiocafé-qalernissarput pilersaarutigaarput, tassani kalaaliminernik sassaallertarnissaq pilersaarutaalluni. Kisianni ineriartortitsineq akeqarpoq. Takorluukkatta piviusunngortissinnaalersinnagit aningaasaqarnerput pitsaanerulerseqqaartariaqarparput, Hansiaraq Zeeb oqarpoq.