5 million koruuningajaat partiimut tapiissutitut: Namminerli aningaasaatit suli annertuumik amigartoorfiupput
Kukkunersiuisup tikkuarpaa, IA-mi aqutsisut »akisussaatinneqarsinnaasut«, partii piffissaq eqqorlugu akileraarutinik A-nik nalunaaruteqarsimanngimmat
Ukiup ataatsip matuma siornagut Sara Olsvig isumalluarluni nalunaarpoq 2018-ip naanerani IA partiinngorsimassasoq akiitsoqanngitsoq. Siulittaasuusimasup siulittuutaa – siorna aggutsimi mailikkut AG-mut nassiunneqartoq – eqquutingilaq.
Tamanna partiip naatsorsuutaasa nutaat Deloittep kukkunersiorsimasaasa takutippaat. Kukkunersiusorli Bo Colbe IA-mi aningaasaqarnermik misissuereerluni naliliinermini isorinnippoq:
- Partii nammineq aningaasaatitigut annertuumik amigartoorpoq. Avataaniit taarsigassartititsisut pisariaqartumik aningaasaliinissami tigoriaannarnillu aningaasaateqarnissami partiimit atorfissaqartinneqarput. Partimi ulluinnarni aqutsisut nalunaarutigaat ingerlaannarnissamut tunngavissat nalorninartut, aqutsisulli ataavartumik qulakkeerniarlugu ukiumi aggersumi ingerlatsineq sinneqartoorfiussasoq, Bo Colbe Inuit Ataqatigiit ukiumut 2018-imut nalunaarutaani allappoq.
Kukkunersiuisup naatsorsuutini annernartoq alla uparuarpaa. Nalunaaruteqarnissaq pillugu akileraartarnermut aalajangersakkanik unioqqutitsisoqarsimasinnaavoq:
- Pisuni arlalinni partii piffissaq eqqorlugu akileraarutinik A-nik nalunaaruteqarsimanngilaq, taamaalillutik aqutsisut akisussaatinneqarsinnaallutik, Bo Colbe oqarpoq.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: