60-ikkunni pissutsit uterfiginagit
Aluminiumik aatsitsiviliorfissamik pilersaarutip innuttaasunit isornartorsiorneqarnissaa inuussutissarsiornermut aatsitassanullu naalakkersuisup Ove Karl Berthelsenip ammaffigaa. Unamminartut nutaat ilisimavai, pingartumik suliaqarfik ataaseq pillugu.
Annonse
- Sulisussat avataanit pisut angutit kisermaat 50-60 procentit tikinnissaat piareersimaffigissavarput. Maniitsumi inuttut inuunermut sunniuteqarnissaat tamatuma kingunerissavaa, inuussutissarsiornermut aatsitassanullu naalakkersuisoq Ove Karl Berthelsen oqarpoq.
- 60-ikkunni pissutsit uterfigeqqissanngilavut, qallunaat sulisartut nunatsinnut tikerarmata, barakinilu najugaqarfimminni sumi tamani akusanik meerartaartorlutik, Ove Karl Berthelsen oqarpoq, imalu nangilluni:
- Ajornartorsiutit taamaattut pinngitsoornissaat anguniarlugu piaartumik oqallisilertariaqarpugut, sammisarlu oqaloqatigiissutigalugu.
Sinnera AG-mi ullumi atuaruk.