Aatsaavissuaq pisimasoq: Sermersuup qeqqani siallersimasoq
Summit Stationimi Sermersuup qeqqaniittumi arfinginnormat siullermeerluni siallersimavoq.
Summit Stationimi Sermersuup qeqqani 3.200 meterisut qutsitsigisumiittumi nalunaaquttap akunnerpassuini siallersimavoq. Peqatigisaani nalunaaquttap akunnerisa qulingiluat missaanni sila kiassimavoq.
Stationi 1989-imili pilersinneqarmat aatsaavissuaq siallerpoq. USA-miittumi Det Nationale Sne og Is Datacenterimit, Summit Stationimik ingerlatseqataasumit tamanna ilisimatitsissutigineqarpoq.
Datacenteri ilisimatuut pisortaat CNN-imut oqarpoq, Summit Stationimi siallernera, silap pissusaata allanngoriartornerata malitsigisaanik Kalaallit Nunaata sukkasuumik kissakkiartorneranut uppernarsaataasoq:
- Maanna pisoq, silap pissusaata allanngortarnerani, ukiuni qulini ukiuniluunniit qulikkuutaani marlunni kianneriinnanngilaa. Tamanna aatsaavissuaq pivoq, datacenterimi kiisalu University of Coloradomi ilisimatuut pisortaat Ted Scambos CNN-imut oqarpoq.
Ukiut 2000-it ingerlaneranni qulingiluariarluni aakkiartortoqarsimasoq
Datacenteri nittartakkamigut allappoq, Summit Stationimi silap kiattarnera qaqutigoortupilussuusoq.
Silap qerinnarunnaarunnaarnera Station Sumitsimilu sermip aakkiartulernera malugineqarsinnaasarpoq, imeq kuuttoq apummi qerisarmat. Tamanna kingusinnerusukkut sermimi qillerlugu qaqinneqartumi takuneqarsinnaasarpoq.
DMI-mi silap pillugu ilisimatusartoq Martin Stendel taamatut oqaluttuarpoq. Taassuma Sermitsiamut ilisimatitsissutigaa, ukiuni 2000-ini kingullerni Summitsimi aakkiartortoqartarsimanera takuneqarsinnaasoq:
Ukiut: 2021, 2019, 2012, 1889, 1094, 992, 758, 753 og 244.