Air Greenlandip ilaasut pingasunngorpat apuunniarsariniarpai
Air Greenlandip ulluni arlalinni kinguaattoortitsereerluni taamaatitsiinnartareerlunilu ilaasut pingasunngorpat apuuffissaannut apuunniarsariniarpai.
![Air Greenlandip ilaasut pingasunngorpat apuunniarsariniarpai](https://image.sermitsiaq.ag/102005.webp?imageId=102005&width=960&height=604&format=jpg)
Timmisartuutileqatigiit naapertorlugit kinguartitsinernut taamaatitsiinnarnernullu peqqutaasut tassaapput silarlunnera aammalu mittarfeqarfinni atortut amigaateqarnerat.
Marlunngornermi unnukkut Dash-7-it pingasut ilaasunik kangerlussuarmeersunik ilaasulerlugit Nuummukartinniarneqarput. Kisianni ilaasut suli 200-it Kangerlussuarmiipput, taakku pingasunngorpat ullaap-tungaani nal. 10.00 qaqugu Nuummut, Sisimiunut Maniitsumullu apuuffissaminnut apuutissanerlutik paasissavaat.
Pingasunngornermi Narsarsuarmut timmisartuussinissat sisamanik ilaneqarsimapput, ilaasussat atlantikoq qulaallugu Københavniliartussat sapinngisamik amerlanerpaat ilaatissinnaajumallugit. Taakkununnga ilaatigut ilaapput ilaasussat arfininngormalli Nuummi utaqqisimasut. Kisianni Danmarkiliartussat tamarmik ajoraluartumik inissaqanngillat, taamaattumik ilaat Kangerlussuarmiit sisamanngorpat aqqutissaqalernissaanut utaqqisariaqarput.