Air Greenlandip timmisartortaava DASH 8 takusaruk
Sapaatiuppat augustusip aallaqqaataani Air Greenlandip Nuummi timmisartunut eqqussisarfik DASH-8-mik takuniaarusuttunut ammassavaa. Tassani timmisartut nutaat silataaniit iluiniillu takuneqarsinnaassapput.
Timmisartut USA-mi Oregon-imi Horizon Air-imit pisiat Nuummut maajip aallaqqaataata missaani tikipput, Islandimili innermik anitsisup qullaassaasa ajornartorsiortitsinerisa nassataanik iluamik tikilluaqquneqarsimanatik. Tamannalu Air Greenlandip massakkut iluarsiiviginiarpaa.
- Taamaattumik sapaatiuppat nal. pingasut tallimallu akornanni ilaqutariillusi Air Greenlandimut alakkaagisi, DASH-8-llu nutaat tikilluaqqulluarneqarnerinut peqataallusi. Allaffeqarfimmut isertarfik pingaarneq majuartaatip ataaniittoq atorneqassaaq, Air Greenland timmisartunut soqutiginnittunut pilerisaaripput.
DASH-8-it marlunnik motooreqarput, taamaattumillu timmisartunit DASH-7-nit orsussamik atuinikinnerullutik. Timmisartut ullumikkut ilaasunik angallassinermi atorneqalereersimasut atserneqarsimapput Qarsoq aamma Suloraq.
Timmisartortartup mekanikerillu takuniaasut apeqqutaannik akisisassapput.