ajugaaniutivinneq
Aki-Matilda normu 6-inngortoq
Kalaaleq Miss Danmarkimi ajugaaniutiveqataasoq Aki-Matilda Høegh-Dam arfininngornermi ajugaaniutivittoqarnerani kusanavissumik normu 6-inngorpoq
Aki-Matilda Høegh-Dam Miss Danmarkimi ajugaaniutivinnermi arnat ajugaaniutivinnermut anngussimasut 30-t akornanni ippassaq arfininngornermi unnukkut normu 6-inngorpoq.
Atuaruk: Aki-Matilda nakkarsarneqartartoq
Ajugaasoq tassaavoq 17-inik ukiulik Josephina Hvirvelkær, Aarhusimeersoq, Københavnimi Kulturkajen Dockenimi ajugaaniutivinnermi takutitsinersuarmi toqqarneqartoq. Taanna Danmark sinnerlugu Miss Worldimut, Kinami ukioq manna pisussamut, peqataasussanngorpoq.
Miss BT
Sermitsiaq.AG-mi siusinnerusukkut allaaserineqartutut kalaaleq pinnerneqqusaannermut peqataasoq Miss Danmarkinngorniunnerup ilaani ajugaavoq, BT-millu atuartartunit piukkussatut toqqarneqarluni.
Atuaruk: Aki-Matilda Miss BT-tut toqqarneqartoq
BT naapertorlugu Miss BT-mi ajugaaniutivinnermi taasinerit katillugit 90.000-it missaanniipput, kalaalerlu 18-inik ukiulik Aki-Matilda taasinerit 39 procentiinik pissarsilluni ajugaalluni.
Aki-Matilda Høegh-Dam pillugu allaaserisat tamaasa uani atuakkit
Miss Danmarkip Facebookimi quppernera inissitsiternerit allattorsimaffiannik imaqartoq allaaserip matuma ataani atuaruk