Aleqa sikumik alapernaarsuineq pillugu: Suna utaqqineqarpa?
Naak danskit naalakkersuisuisa nunanut allanut tunngasunut sillimaniarnermullu politikkiat 2019-2020 pillugu nassuiaataani annertusineqartussaagaluartoq, nunanut allanut ministerip Aleqa Hammondimut akissutaani danskit naalakkersuisui apeqqummut iliuuseqarsimanngitsut atuarneqarsinnaavoq.
Folketingimut ilaasortap Aleqa Hammondip nunanut allanut ministerip Anders Samuelsenip akissutaa naammaginngilluinnarpaa, Kalaallit Nunaanni sikumik alapernaarsuinerup annertusinissaanut suli iliuuseqartoqanngitsoq, tassani ilisimatitsissutigineqarpoq.
- Nunanut Allanut Ministerip suna utaqqivaa, Aleqa Hammond tusagassiuutinut nalunaarummi aperivoq, tassani nunanut allanut tunngasunut sillimaniarnermullu politikkimut periusissiamut novembarimi saquummiunneqartumut innersuussivoq.
Sooq ministeri nangaava?
- Naluara sooq ministeri nangaanersoq. Erseqqilluinnarpoq, Kalaallit Nunaat tamakkerlugu sikumik alapernaarsuinerup eqqunneqarnerata kikkunnut tamanut iluaqutaanissaa, aammalu ilaatigut sinersorluni umiarsuit takornariartaatit sukkasuumik ineriartornerat eqqarsaatigalugu, maanna takusaleriikkagut, sukkanerusumik tamani sikumik alapernaarsuinerup eqqunneqarnissaa sukkanerusinnaanngilaq. Ilutigitillugu qanoq iliortoqassanersoq aamma qanoq akeqassanersoq allaqqareeraluartoq, utaqqinissaq pissutissaqanngilaq, Aleqa Hammond tusagassiuutinut nalunaarummi naqissusiivoq, ilanngullugulu oqarpoq:
- Uanimi danskit naalakkersuisuisa Kalaallit Nunaanni immap assinginik suliaqarneratut inississanngilagut. Taamaattumik ministeri nassuiaaqqullugu qinnuigaara apeqqutigalu malitseqartitassatut nassiullugu