Angaju Ittuk iluliamut aporpoq

Royal Arctic Linep umiarsuaa Angaju Ittuk ataasinngornermi juulip 11-ani Nanortallip eqqaani iluliamik apuivoq.

Umiarsuaateqarfik tusagassiuutinut nalunaarummi taama ilisimatitsivoq.

Umiarsuup siua ajoqusersimavoq inunnilli ajoqusertoqarsimanani aammalu nalunaaruteqartoqarsimanngilaq mingutsitsisoqarsimanernanik imaluunniit assartukkat ajoqusersimanerannik.

Pissutaasoq ilisimaneqanngitsoq
Royal Arctic Line naapertorlugu apuinermut suna pissutaasimanersoq oqaatigissallugu suli siusippallaarpoq, umiarsuaateqarfiulli pisoq qulaajarumallugu oqartussaasut tamaasa suleqatigivai.

Royal Arctic Linep ullup ingerlanerani piffissami qaninnermi aggersumi usit assartukkat qanoq isumagineqarumaarnerinik ilisimatitsissuteqassaaq.

Attaveqarit
Pisoq pillugu paasisaqarfiginerunissaata tungaanut aammalu assartukkanik iluarsiivigineqarnissaata tungaanut, RAL Kujataani sullissatik kaammattorpaat ral.gl-imi aamma/imaluunniit sullissanut kiffartuussivik attavigeqqullugu uunga oqarasuaat 70 15 01/kundeservice@ral.gl