Angut 43-nik ukiulik savimmik kapisisimasutut tigusarineqartoq
Angut 37-nik ukiulik savimmik kapineqarpoq sapaatiummat unnuakkut. Angut inuunerminik navianartorsiunngilaq. Politiit angummik tigusarisaqarput, taannalu ataasinngornerup ualinerani killisiorneqassaaq.
Umiatsiveqarfiup eqqaani Iggiaani angut savimmik kapineqarsimasoq pillugu Kalaallit Nunaanni politiit nalunaarfigineqarput unnuaq nalunaaqutaq 00.42. Misissuinermi pisortaq, politiit pisortaata tullersortaa Lars Bjerregaard Sermitsiaq.AG-mut ilisimatitsivoq.
- Savimmik kapineqartoq angutaavoq 37-nik ukiulik, taanna inuunerminik navianartorsiunngilaq. Angut 43-nik ukiulik Nuummeersoq tigusaraarput. Sermersuup Eqqartuussiviani ullup ingerlanerani killisiorneqassaaq, pisortap tullia oqaluttuarpoq.
Pisumut misissuineq pissutaalluni killisiuineq matoqqasuussasoq unnerluussisut piumasaqarsimapput.
Saassussineq Pub Nuan-ip silataani pivoq, pisorlu imerniartarfimmut tunngassuteqanngitsoq Lars Bjerregaardip naqissuserpaa.
Pisup misissorneqarnera pissutaalluni Lars Bjerregaard oqaaseqaqqikkusunngilaq. Taamaattoq innuttaasut pisumut ikiuunnissaat kissaatigaa.
- Pisumut takunnissimasinnaasut oqaluukkusuppagut. Unnuap qeqqata missaanit nalunaaqutaq 00.42-p missaata tungaanut sumiiffimmiissimasut oqaloqatigerusuppagut, tassani susoqarpiarsimanersoq paasisaqarusulluta, Lars Bjerregaard oqarpoq.
Politiit oqarasuaammut 701448-mut sianerfigineqarsinnaapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...