Angut 63-inik ukiulik ujaarineqartoq toqungasoq nassaarineqartoq

Angut 63-inik ukiulik, Sisimiuni ujaarineqarsimasoq, toqungasoq ullumi nassaarineqarsimavoq. Tamanna Kalaallit Nunaata Politiivisa Sermitsiaq.AG-mut uppernarsarpaat.

Angut 24. januar 2024 Sisimiut peqqissaavianit anisoq kingullermik takuneqarpoq.

- Ujaarineqartoq maanna nassaarineqarsimalerpoq, ajoraluartumilli toqungasoq nassaarineqarluni. Pisut pillugit itinerusumik ilisimatitsisinnaanngilagut, pigaartut pisortaat Anette Ostenfeldt Sermitsiaq.AG-mut oqaluttuarpoq.

Angut 29. januarimili politiinit ujaarineqalerpoq, innuttaasullu arlallit aamma kajumissutsiminnik ujaaseqataasimallutik. Ujaasineq annertooq ingerlanneqareersorlu politiit ujaasinertik 4. februar unitsittariaqarsimavaat.

Politiit ilisimatitsipput ilaqutaasut kalerrinneqareersimasut.