Angut aallaasisartoq napparsimmavimmut unitsinneqarsimasoq
Angut arfininngormat ualikkut aallaaserluni angalaartoq politiinik ulapititsisimasoq timmisartoqarfiullu tungaanut aqqusinermik matutitsisimasoq napparsimmavimmut unitsinneqarsimavoq
- Tarnimigut napparsimasoq takuneqarsinnaavoq, massakkullu napparsimmavimmut unitsinneqareerpoq, politiini pigaartut pisortaat Aqqaluk Petersen KNR-mut ilisimatitsivoq.
Politiit naapertorlugit angutip napparsimmavimmut unitsinneqarnissani nammineq kissaatigisimavaa.
Politiit suliaq eqqartuussivimmut suliassanngortissimagaat, KNR ilisimatitsivoq.
Politiit arfininngormat suliaq nalunaaquttap akunnerisa marluk ingerlareerneranni naammasivaat, inunnillu ajoqusertoqarsimanngilaq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...