Angut nukersorluni immiaaqqanik tillissimasoq
Politiit angut marlunngornermi unnukkut Nuummi pisiniarfimmi nukersorluni tillinniarsimasoq pingasunngornermi ujaarilerpaat.
Politiit Nuup illoqarfiata immikkoortortaaniittumi Nuussuarmi pisiniarfimmi Akikimi nukersorluni tillinniartoqartoq pillugu ataasinngornermi nalunaaqutaq 20.18 nalunaarfigineqarsimapput.
Angut pisiniarfimmut iseqquneqarsimanngilaq qimaguteqquneqarsimallunilu. Angulli tamatuma kingunitsiannguatigut kamattupilussuulluni utersimavoq, pigaartut pisortaat Bruno Brix Sermitsiaq.AG-mut oqaluttuarpoq.
Politiit paasissutissaataat naapertorlugit, angutip pisiniarfimmi nakkutilliisoq annersissimavaa pisiniarfimmullu iserluni, tassani karsi ataaseq immiaaqqanik imalik tigoriarlugu akiliinani ingerlasimavoq.
Politiit angut nakkutilliisumut annersitsisimammat pisimasoq ujajaasoqarsimaneratut suliarivaat.
- Angut pineqartoq suli tigusarinngilarput, kinaasorli nalunngilarput, Bruno Brix oqarpoq.
Politiit pingasunngornermi angut tigusariniarlugu ujaarivaat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...