Angut utoqqaq aportereernermini toqusoq
Qaqortumi politiit tallimanngornerup unnuaani angut utoqqaq biilinik apuereernerup kingorna qimaasumit aportissimasoq nalunaarfigineqarput. Ataasinngornerup ullaap tungaani angut toqusimasoq politiit uppernarsarpaat.
Annonse
Angut utoqqat aqqusinermi Storesøvejimi aportissimasoq nalunaaqutaq 03.15 missaani politiit nalunaarfigineqarput. Angut utoqqaq aportereernermi kingorna ajoqusernerminik toquvoq.
Tamanna politiit Sermitsiaq.AG-imut uppernarsarpaat.
Aquttoq apuereernermi kingorna angummut utoqqarmut ikiuinani politiinulluunniit nalunaaruteqaqqaarani ingerlaqqiinnarsimammat politiit takunnissimasunik ujaasipput.
Pisoq pillugu annertunerusumik oqartussat nakkutilliisussat paasissutissiisoqarumaartoq paasissutissiissutigaat.