Naalakkersuisooqatigiit
Aningaasanut inatsisissaq piffissaqarfiginerujumavaat
Aningaasanut inatsisissap atuutsilerneqarnissaa ullunik qulinik kinguartinneqassasoq, KNR-ip oqaluttuaraa
Aningaasanut inatsisissap atuutsilerneqarnissaa novembarip 25-annut kinguartinneqarpoq, knr.gl taama allappoq.
Aningaasaqarnermut naalakkersuisup Aqqaluaq B. Egedep (IA) aningaasanut inatsisissaq inissinnissaanut piffissaqarfiginerumavaa. Kisianni taassuma novembarip 15-anni kingusinnerpaamik akuerineqarnissaa inatsisaagaluarpoq. Taamaammat Inatsisartut aqagu inatsisissatut siunnersuummik suliarinnipallassapput, atuutsilernissaanik ullunik qulinik kinguartitsisinnaanngortitsillutik.
Atuaruk: Naalakkersuisut aningaasanut inatsisissamik nutaamik saqqummiussisut
Kiffartuussinermut isumaqatigiissutinut aningaasat
Aqqaluaq B. Egedep naalakkersuisunngornermi kinguninngua nalunaarutigipallappaa, kingoraakkaminit Randi Vestergaard Evaldsenimit akisussaaffigilikkani aningaasanut inatsisissaq allanngortinniarlugu.
Atuaruk: Naalakkersuisooqatigiit suliffinnik amerlanerusunik pilersitsissapput
- Naalakkersuisooqatigiissimasut aningaasanut inatsisissatut siunnersuutaat nalilersorpara kissaatitsinnullu naleqqussarlugu. Isumaqatigiinniarnissamut partiit tamaasa aggersarpakka naatsorsuutigaaralu siunnersuuterput Inatsisartunut saqqummiussinnaallugu ukiakkut ataatsimiinnerup maannakkut ingerlanneqartup naammassinnginnerani, taanna naqissusiivoq.
Angallannermi ilaasunut kiffartuussinermut isumaqatigiissutinut pitsanngorsaaniarluni saniatigut isumaqatigiissusiornissamut aningaasanik ilaatigut nassaarniarpoq.