Ilulissat
Annanniut politiinit inuttassarsiuunneqartoq
Annanniut ataasinngormat Ilulissani nassaarineqarpoq
Ilulissani politiit annanniummik siaangasumik pissarsisimapput, taannalu angallatip Savalimmiuneersup Ilulissat umiarsualivianut isaaffiup eqqaani ataasinngormat nassaarisimavaat.
Politiit annanniummut taassunga tunngassuteqarsinnaasumik suliassaateqanngillat, kisiannili paaserusunneqarpoq annanniut suminngaanniit pisuunersoq.
Kiap pigaa?
Annanniut taanna meqqeqarpoq 'Viking' inunnut sisamanut inissaqarluni, taannalu serienormoqarluni: H101188.
- Annanniut 1989-imi pisiarineqarsimavoq kingullermillu misissoqqissaarneqarluni ISS Kalaallit Nunaanninngaanniit ulloq 25. september 2010. Annanniut taama ittoq naliginnaasumik angallatini mikinerusuni aquuteralannilu atorneqakkajuppoq, politiit Facebookimi quppernerminni taama allapput.
Illit annanniutingaajuk – imaluunniit ilisimaviuk kimit pigineqarnersoq, taamaappat Qaasuitsumi politiit saffigikkit oqarasuaat: 70 14 22.