Anorlerlunilu siallertoq: Bussinik angallanneq unitsinneqarpoq
Nuummi tallimanngornermi ullaakkut bussit ingerlaarsinnaanngillat, aqqusinermilu angallattut tamaasa politiit mianersoqquaat.
Illoqarfiup pingaarnersaanni tallimanngornermi ullaakkut anorlerpoq siallerlunilu.
Sila pissutaalluni aqquserngit quasarujussuarput, Nuup Bussiilu Facebookikkut nalunaarput bussit ingerlaarunnaarsimasut.
Kalaallit Nunaanni Politiini pigaartut pisortaat Anette Ostenfeldt oqaluttuarpoq politiit tallimanngornermi ullaakkut aqqusinermi ajutoortoqarneranik nalunaarfigineqartut, nalunarporli ajutoorneq aqqusernit quasassimaneranik pissuteqarnersoq.
Politiilli pisortaata illoqarfiit pingaarnersaanni pisuinnaat biilertullu tallimanngornermi ullaakkut mianersorneroqqullugit kajumissaarpai.
- Pisuinnarnut quasattorujussuuvoq, biilertunullu unikkiartorfiup takissusia talliallaqqasorujussuuvoq, pigaartut pisortaat oqarpoq.
Illoqarfiit pingaarnersaanni silassaq naapertorlugu anori sekundimut 23 meterit missaannik sakkortussuseqassaaq, DMI-llu ilimagisaa naapertorlugu ullaap tungaani anorlernerulaassaaq, kingornalu ualikkut anorlerpallaarnaviarani.
Ullaaralaakkumit aputinnguukkiartuaartussamik siallissaaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...