Aqquserngit assersornerannut siorasaarisoqarsimanera pissutaavoq
Kalaallit Nunaata Politiivi tusagassiorfinnut nalunaaruteqarlutik ilisimatitsipput siorasaarisoqarsimanera pissutigalugu Nuussuarmi aqquserngit assersorneqartariaqarsimasut.
Pisoq ulorianaleratarsinnaasoq pissutigalugu Nuussuarmi Paarnani aqquserngit assersorneqartariaqarsimasut, Kalaallit Nunaata Politiivisa ataasinngornermi unnukkut nalunaarutigaat.
- Inuk allanut ulorianarsinnaasoq pissutaavoq, politiit allapput.
Siorasaarisoqarnera politiit ataasinngornermi ualikkut paasivaat. Paarnat maanna assersorneqarsimapput, politiillu arlallit sumiiffimmiillutik.
- Inissiamiittoq siorasaarisimasoq pissutigalugu politiit suliaqarput, politiit allapput ilisimatitsissutigalugulu nalunaarutiginnittoqareerneranit inuk pineqartoq attaveqarfigisinnaasimallugu.
Angut inissiamiit aninissaa politiit suli sulissutigaat, maannamullu annerusumik oqaaseqarsinnaanatik.
Politiit kingusinnerpaamik nalunaaqutaq 22.00 nalunaaruteqaqqissapput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...