sipaarniartoqareersoq
Asii: Ataqatigiittariaqarpugut
Meeqqat atuarfiinut ineriartortitseqqinnissaq suliassaq annertusoq Asii Chemnits Narupip akerliussutimut takutitsisunut oqaatigaa - akerliussutsimik takutitsisunut oqalugiaataa tamaat takuuk
- 2014-imut missingersuutit kommunalbestyrelsep isumaqatigiittup akuersissutigai. Pisariaqartitanut tamanut oqimaaqatigiissitsiniarnissaq pingaartillugu aningaasanik illuartitsivugut, soorlu makku isiginiaqqissaarlugit: utoqqaat amerliartornerat, suliffissaaleqisut malunnaatilimmik ikilisarnissaat ilaalu ilanngullugit.
- Tamanna iluatsissinnaaqqullugu ingerlatsivinnut tamanut aningaasaliissutit misissoqqissaarneqarsimapput – aamma atuarfeqarnermut aningaasaliissutit. Procentinik ikittunnguanik aningaasartuutit apparaluarlugit sulissat akisussaassuseqartumik naammassineqarsinnaasunngorlugit.
- Oqimaaqatigiissitsinerlu iluatsittutut nalilerlugu missingersuutit akuerivagut.
Kommuneqarfik Sermersuumi borgmesteri Asii Chemnitz Narup akerliussutsinermut peqataasunut ilaatigut oqarpoq. Ilinniartitsisut angajoqqaallu Kommuneqarfik Sermersuup meeqqat atuarfiinut 10,5 million koruuninik sipaarniarnerat pillugu akerliussutsimik takutitsipput.
- Suliassarlu pingaarluinnartoq tassaavoq meeqqat atuarfiata inerisaqqinnissaa – ilinniartitsisunullu qamanngavik kissaateqarpugut: ilinniarluarsimasutut immikkullu ilisimasaqartutut inerisaanissamut peqataarusussasusi – ilinniartitsisut, angajoqqaat qinikkallu suleqatigiilluta suliamik kivitseqatigiitta, Asii Chemnitz Narup akerliussutsimik takutitsisunut ilaatigut kajumissaaruteqarpoq.
Asii Chemnitz Narupip akerliussutsimut takutitsisunut oqalugiaataa tamakkerlugu talerpiata tungaani pdf-inngorlugu atuarneqarsinnaavoq.