Aslak Jensen: Pisortat akiorpakka
Politikerip Siumumeersup eqqartuunneqarnini ingerlateqqippaa, suliallu Nunatta Eqqartuussiviani inaarutaasumik aalajangiivigineqarnissaata tungaanut Inatsisartunisulinngiffeqarnissamut qinnuteqarluni. Suliamik ingerlatsisumik qunusaarisimanini sioqqullugusakkortuumik misigisaqarnini aviisimut AG-mut oqaluttuaraa.
Aslak Jensen oqinnerpaamik meeraanermini inuuneqanngilaq.
Tallimanik ukioqarluni arni kapuummik imminut kapisoq takugamiuk angerlarsimaffimminit qimaavoq. Arnaa ikiaroorniutinik kaportartuuvoq, unnuillu ilaanni Aslakip tallimanik ukioqarluni tamanna paasivaa, taamaammallu majuartarfeqarfimmi ulluni marlunni toqqoqqavoq, aviisi AG allappoq.
Angerlaqqippoq, anaanaminili najugaqarusukkunnaarpoq, taamaammallu ataataata erni Kalaallit Nunaannit aallugu angerlamut oqquppaa. Katillugit sisamanik qatannguteqarpoq. Marlunnik angajoqarpoq ataatsimillu najaqarluni. Ingammik najani qanimut attuumassuteqarfigaa, taamaammallu 2011-mi marluullutik angajoqqaanngoramik pilluarput. Aslak marlulissanik meerartaarpoq, najaalu panissaarpoq.
Annertuumik kinguneqartoq
Panimmili ataataa qimappaa allamillu aappaqalerluni, tassanngalumi naartulerpoq. Angulli persuttaasartuusoq paasinarsivoq, taamaammallu qimappaa.
Angutilli angajoqqaatut oqartussaanissani qinnutigaa, naak ernerata arnaa angaalu Aslak Jensen akerliullutik ilungersoraluartut, ernini arfineqmarlunnik qaammatilik, sapaatipakunneranut nalunaaquttap akunnerini marlunni ernerminik peqateqarsinnaanerminut pisinnaatitaaffilerneqarpoq.
Arnaata ernermi angumminit najorneqartarnissaa pinngitsoortinniarsarigaluarpaa, nalunaaquttallu-akunnerini marlunni ernermi ataataanut taassuma pisinnaatitaaffia naapertorlugu peqateqarnissaanut tunniutinngippagu, politiit ernera aajumaaraat ilisimatinneqarpoq. 2014-mili decembarimi ullut ilaanni taamaaliorpoq.
Tamannalu toqumik kinguneqassasimavoq.
Allaaserineqartoq aviisimi AG-mi tamakkiisumik atuarneqarsinnaavoq. Aviisi uani pisiariuk: