Assit: Kangaatsiap atuarfissaa nappaanersiorneqarpoq
Kangaatsiami atuarfissaq persuarsiornartumik nappaanersiorneqarpoq marlunngormat. Atuarfik aappaagu sanallugu naammassissaaq.
Kangaatsiami atuarfissap sananeqarnera ingerlalluarpoq, marlunngormallu persuarsiornartumik nappaanersiorneqarluni.
- Atuarfittaassap nappaanersiornerani persuarsiorluta peqataajartorpugut, qilanaarisimaqaarput maanga killinnissarput, sanaartornermut peqataasut tamassi, sanaarsi kusanaq, sannareqaasi ukiuinnarsuaq taamak issitsigisoq suliaq taamak annertutigisoq ingerlassimasinnaagassiuk tulluusimaarutigisorujussuuarput, Kommune Qeqertalimmi borgmesteri Ane Hansen (IA) nappaanersiornermut atatillugu oqalugiarnermini oqarpoq.
Aappaagu naammassissaaq
Atuarfiup pisortaata Sussi Adelholmip atuarfiup naammassinissaa qilanaaraa.
- Atuartitsinerni assigiinngitsuni periarfissarpassuarnik ulikkaarpoq, qilanaarinerpaasatta ilagivaat pinngortitalerinermi naturfagimi allanilu pinngortitaq qanimut atorluarlugu atuartitseriaatsit periarfissarilissagatsigit, atuartut, nunaqqataasut, ilinniartitsisullumi tamatta erinisoqaagut, oqarpoq.
Kangaatsiami atuarfittaaq sanaartorneqartoq aappaagu juni 2022-mi naammassineqarnissaa naatsorsuutigineqarpoq. KJ atuarfimmik sanaartorpoq.