Assit: Nuummi qatserisartut biilii ingerlaaqatigiittut
Nuummi qatserisartoqarfik nutaaq atuleriaanngorpoq. Upalungaarsimasuutitat qatserisartullu tamanna malunnartinniarlugu, qatserisartoqarfitoqqamiit illoqarfikkoorlutik qatserisartoqarfimmut nutaamut qatserisartut biiliinik siuleriiaallutik ingerlaarput.
Susoqarnersoq nalugaanni qatserisartut biilii tamarmiullutik, upalungaarsimasut biilii ambulancilu ataaseq ataasinngornermi unnukkut Nuummi siuleriiaallutik ingerlaarmata illoqarfimmi ikuallarujussuartoqarsinnaasimanera annilaanngatigineqarsimassaaq.
Ajortoqanngilarli, akerlianik nuannersumik pisoqarmat qaqutigoortumik inuit takusaqarsinnasimapput.
Nuummi qatserisartoqarfik nutaaq atorneqartussanngorpoq, tamannalu malunnartinniarlugu upalungaarsimasuutitat illoqarfiup aqqusernatigoorlutik ingerlaaqatigiipput, ingerlaaqatigiinneq qatserisartoqarfittaami naammassineqapoq, tassani sulisut suliffittaamik saavani assiliseqatigiillutik. Assit ilanngutassiap aallartinnerani takuneqarsinnaapput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...