Politikki
Assit takukkit: Campus Kujalliup Christiansborg pulaarpaa
Folketingimut ilaasortaq Aaja Chemnitz Larsen (IA) tallimanngornermi Kujataani ilinniartorpassuarnit suliffimmini pulaartoqarpoq
Ilinniartut 60-it ilinniartitsisullu sisamat ullumi tallimanngorneq Folketingimi pulaarput.
Inuit Ataqatigiit Folketingimi ilaasortaatitaat Aaja Chemnitz Larsen atuartut tikilluaqquai folketingimilu sulineq oqaluttuaralugu. Atuartut aamma Christiansborgimi takornariartinneqarput, Aajalu ulluinnarni qanoq Kalaallit Nunaat sinnerlugu sulisarnerluni qanorlu Kalaallit Nunaannut iluaqutaanersoq oqaluttuaraa.
Atuaruk: IA historikerimik atorfinitsitsivoq
Politikerimut nuannaarutaasoq
Ilinniartut 60-it 3.G-nngoqqammerput klassillu sisamaninngaanneerlutik. Atuartut Barcelonami paasisassarsiorlutik angalasimapput massakkullu Københavnimiillutik.
- Nuannaarutigeqaara Campus Kujallermi atuartut ullumi Folketingimi pulaarnissaminnut piffissaqarsimammata, Aaja Chemnitz Larsen oqarpoq.
- Atuartut Kalaallit Nunaanneersut pulaartarnerat assut pingaartittarparput. Isumaqarpunga pingaaruteqartoq atuartut qanoq demokrati ulluinnarni Folketingimi ingerlasarnersoq paasisaqarfigissagaat.
Ullormit assit uani ataani takukkit