angalaneq
Assit takukkit: Folketingimi ilaasortat tikeraartut
Umiarsuaq ’Ejnar Mikkelsen’ atorlugu Folketingimi ilaasortat nunatta kujataani angalaarput
Folketingimi ilaasortat arfineq marluk juunip 17-anit 23-at ilanngullugu umiarsuarmi ’Ejnar Mikkelsen’-imi ilaallutik nunatta kujataani angalaaqataapput, tassanilu kalaallit inooriaasaat paasisaqarfigalugu.
Narsaq, Qaqortoq, Paamiut, Qeqertarsuatsiaat aamma Nuuk tikinneqarpoq. Illoqarfinni assigiinngitsuni takornariartinneqartarput. Erngup nukinganik innaallagissiorfik, fabrikki, utoqqaat illui allallu assigiinngitsut tikinneqarput.
- Ukiut tamaasa Folketingimi ilaasortanik angalaartoqartarput, Kalaallit Nunaannilu pissutsit paasisarpaat. Tamanna aalajangiinissaminnut iluaqutigisarpaat, Arktisk Kommando nalunaarpoq.
Annette Vilhelmsen (SF), Anne Sina (S), Rasmus Horn Langhoff (S), Alex Ahrendtsen (DF), Jakob Ellemann-Jensen (V), Christian Friis Bach (R) aamma Frank Aaen (EL) tikeraarput. Ombusmandimik illersornissamillu aqutsisumik aamma angalaqateqarput folketingimeersumik.
Assit ataani takukkit