Odense
Assit takukkit: Rasmus Lyberth Odensemi tusarnaartitsisoq
Nunat avannarliit illuutaanni Odensemiittumi Rasmus Lyberth tusarnaartitsivoq pingasunngornerup unnukkuani
Rasmus Lyberth nunat avannarliit illuutaanni Odensemiittumi juullilernerani ukiut aappassaa tusarnaartitsivoq.
Tusarnaartitsinermini ilisimaneqartut ilisimaneqannginnerusullu atorpai. Erinnanik nutaarluinnarnik aamma atuivoq. Rasmus Lyberthimi aamma saqqummersitseqqammerpoq.
Saqqummersitaa 'Nysgerrighed som styrmand'-imik taaguuteqarpoq. Rasmus Lyberthip misigissutsit erinarsorpai.
- Rasmus Lyberthip fynimi ukiuni arfineq pingasuni kingullerni najugaqarpoq, ukiunani taakkunani taalliani ilaatigut atorpai.
- H. C. Andersen pissarsiaqarfigalugu atukkama tullia erinarsorpara. Taalliortorsuami maani inuuvoq, Rasmus Lyberth oqarpoq.
Kalaallit Nunaata Danmarkillu assigiinngequtai pillugit aamma erinarsorpoq.
- Inneruulaq assersuunneqarsinnaavoq. Danmarkimi nusunneqartarpoq. Kalaallit Nunaanni kusanartorsuusarpoq isigissallugu nuannarisaralugu. Rasmus Lyberthip minutsini 90-ni tusarnaartitsinera taama imaqarpoq.
Rasmus Lyberth arlalinnik nipilersoqateqarpoq. Nipilersortuupput: Kristoffer Jul Reenberg (pattagiartoq hammondorgelertorlu), Alain Apaloo (guitarertoq), Ayi Solomon (tumerparpaartoq), Ulrik Skytte Andersen (bassertoq) kiisalu Jane Clark (agiartoq).
Tusarnaartitsineq naammassimmat Rasmus Lyberthip 'Juullimi qiimasuttut' atorpai. Tassani aatsaat paasinarsivoq juullilersoq.
Assit ataani takukkit