Ataatsimoortumik tapiissutit pillugit upperiliinnakkat eqqunngitsut
Naalagaaffeqatigiinneq kikkut pissarsiffiginerusarpaat: Danmarkip Kalaallit Nunaataluunniit? Maannakkullu eqqortoq oqaluttuariniarpaa
Qallunaap pisortap oqarnera naapertorlugu ataatsimoortumik tapiissutit pillugit upperiliinnakkat eqqunngitsut qallunaat kalaallillu akornanni akeqqersimaarnermik pilersitsisarput.
Taamak isumaqarpoq Det Udenrigspolitiske Selskabimi pisortaq Klaus Carsten Pedersen.
Spaatip akunnerani uani AG'p saqqummiussani tunngavilersorpaa:
- Kalaallit ilaat sianiinaarneqarsimasutut misigisimapput. Kukkusumik isumaqartarput ilumut qallunaat kalaallit iluanaarutigisaraat. Eqqortoq unaavoq Kalaallit Nunaat annertuumik tapiiffigineqartartoq, taakkulu piumasaqaatitaqanngitsumik nunap karsianut toqqaannartumik nakkartarlutik.
Klaus Carsten Pedersen naapertorlugu akiliussigallartoqarneq ajorpoq.
- USA-mit sakkutuut Kalaallit Nunaanniinnerannut Danmark Natomit milliardilikkaanik annikillisaavigineqarnerarnera paasinerluinermik tunngaveqarpoq. Amerikamiut arlaannaatigulluunniit Pituffimmi sakkutooqarfimmut akiliisarsimanerannik takussutissaqanngilaq. Aamma ima uppilersitsisoqarsinnaanngilaq Danmark nunanit ilaasortaniit allaniit annikinnerusumik akiliisartoq, Klaus Carsten Pedersen nangippoq.
Det Udenrigspolitiske Selskabimi Klaus Carsten Pedersenip pisortaaffigisaani kunngissaq Frederik illersuisuuvoq, tassaniippullu ilaatigut nunanut allanut ministeriusimasut marluk Uffe Ellemann-Jensen aamma Mogens Lykketoft.
Klaus Carsten Pedersenip sapaatip akunnerani AG saqqummersumi apersorneqarnera tamaat atuaruk AG: