urandebat
Atassut uranimut aatsitassarsiortoqarnissaanut ammavoq
Atassutip uranip pingaarnertut qallorneqarsinnaasutut aatsitassarsiorfimmi qallorneqarsinnaanera ammaffigaa
Siumut assigalugu Atassut uranimut akuersaanngilluinnarneq allanngortinneqassasoq isumaqarfigaat. Atassutip uranip pingaarnertut qallorneqarsinnaasutut aatsitassarsiorfimmi qallorneqarsinnaanera aamma ammaffigalugu.
- Urani pingaarnertut qallorneqarnissaanut suliffeqarfinnit qinnutigineqaraluarpat Atassut qinnuteqaammut akuersaarluni nalunaaruteqassaaq, kisiannili piumasaqaatit sakkortunerpaat atorneqassapput. Piumasaqaatit nunat allat atugaannit sakkukinnerussanngillat. Piumasaqaataassapput peqqinnissamut avatangiisinullu innarliinnginnissaat, urani pillugu Atassutip oqaaseqartartua Siverth K. Heilmann oqarpoq.
Inatsisartut ataatsimiisitaliaata nunani allani paasisassarsiorlutik angalanerminni peqataanikuuvoq.
- Paasisassarsiorluta angalanitsinni paasitinneqarpugut aatsitassarsiorfiit uranitalinnik qalluisut naviananngitsuusut, Siverth K. Heilmann oqarpoq.