EU-oqallisigalugu
Atassutip EU-mut ilaasortanngorsinnaaneq naaggaarpaa
Kalaallit Nunaat EU-mit ilaanngiinnaruni pitsaanerussaaaq, Atassut isumaqarpoq. Partii taamaalilluni partiimut suleqatiminut akerliuvoq
Kalaallit Nunaata EU-mut ilannguteqqissinnaanera oqallisaaqqilerpoq.
Sulisitsisuni aamma Polar Seafoodimi siulersuisuni siulittaasoq Henrik Leth isumaqarpoq, nunatta EU-mut ilaasortanngorsinnaaneq eqqarsaatigeqqittariaqaraa, Demokraatineersullu Justus Hansenip siunnersuutigaa, ilaasortanngornermi iluaqutissat aamma ajoqutaasinnaasut misissorneqassasut.
Atuaruk: Demokraatit: EU pillugu oqallinneq ammaqqittariaqarpoq
EU naaggaaraa
Tamanna isumassarsiatsialaanngilaq, partii Atassut isumaqarpoq.
Partii tusagassiuutinut nalunaarummi allappoq, Kalaallit Nunaat tamakkiisumik EU-mut ilaasortanngussaguni, Nunarput ullumi EU-mi inatsisartuni annikitsuaraannarmik sunniuteqarsinnaassasoq.
- Kalaallit Nunaat EF-imit ilaasortaaneranit, pissutsit ullumikkut ullumikkut allarujussuuneranni tamanna pissuteqarpoq, partii allappoq.
Ilaasortaannginneq iluaqutaasoq
Ullumikkut EU 28-inik ilaasortaqarpoq, inuiaqatigiinnik 500 millioninik tunngaveqarluni.
- Suleqatigiinnermik pitsaasumi aamma EU-mik suleqatigiinnermik pitsanngorsaanikkut, Kalaallit Nunaat ullumikkut annertunerusumik naligiimmik isumaqatigiinniaqataasuulluni iluaqutissarsinerusinnaavoq, tamannalu EU-p avataani inissisimalluni anguneqarluarsinnaaneruvoq, Atassut oqariartuuteqarpoq.
Atuaruk: EU-Kommissionip Issittoq pillugu politikki akueraa