qinersineq
Atassutip Inuusuttaat Atassummut nersualaarinnipput
Atassutip Inuusuttaanit nuannaarutigineqarpoq Atassutip Siumumik naalakkersuisooqateqarunnaarnissaanut inuusuttut kaammattuutaat malinneqarmat
Atassutip Inuusuttaanit iluarisimaarneqarpoq Atassut naalakkersuisooqatiminit Siumumit pingasunngornermi animmat.
- Atassutip inuusuttaanit nuannaarutigalugu paasivarput taamatut piumasaqaateqarnerput Atassutip kattuffianit tusaaniarneqarsimasoq, taamaalilluni inuiaqatigiinni toqqissisimasumik naalakkersuinikkut ingerlatsisoqalernissaa aqqutissiuunneqassammat, Masauna Peary tusagassiuutinut nalunaaruteqarluni taama allappoq.
Atuaruk: Atassutip Inuusuttai: Atassut, Naalakkersuisooqatigiinnit anigitsi
Atassut pingasunngornermi paatsiveerusimaaraluaqaluni pingasunngornerup ualinerani naqissusiilluni tusagassiuutinut nalunaaruteqarpoq Naalakkersuisut siulittaasuanut qinersisoqarnissaanut kaammattuuteqarluni.
Naalakkersuisut uppisinneqarsinnaanngorput
- Atassutip inuusuttaanit Atassummut kaammattuutigissavarput qinersinerup kingorna naalakkersuisooqatigiilertoqarsinnaaneranik isumaqatigiinniartoqassappat qulakkeerneqassasoq unneqqarissumik, inatsisit malillugit kiisalu inatsisit erseqqarnerluttut erseqqissarneqassasut aammalu inuiaqatigiit tusaaniarlugit ingerlatsisoqarnissaanik pingaarnerpaajutillugu piumasaqaateqartoqassasoq, Masauna Peary tusagassiuutinut nalunaarunni nangillugu taama allappoq. Taassuma ilanngullugu neriuutigaa novembarip 28-ani qinersinissami Atassut inuusuttunik arlalinnik isertitaqarumaartoq.
Kisianni Masauna Peary Inatsisartunut qineqqusaaqataaniarnani aalajangersimavoq, teologimik atuarluni Nuummi aallarteqqammerami naammasseqqaarusutaminik.
Aleqa Hammondip pisortat aningaasaataannik atornerluineranut allaaserisat allat uani atuakkit