Atlantikoq qulaallugu juullimi inuulluaqqusinissarsuaq
Danmarkimi kattuffik INUIT sapaatip akunnerata naanerani juullimi inuulluaqqusissaaq.
Arfininngorpat decembarip 4-aanni V ejlemi DGI-p illua Kalaallit Nunaannut ukiumoortumik juullimi inuulluaqqusinissarsuarmi atorneqassaaq.
Danmarkimi kalaallit peqatigiiffiisa kattuffiat INUIT ileqqumik nuannarineqartumik aaqqissuussisuuvoq, ukiunilu kingullerni kalaallit ilaqutaallu tusinit marlussuit nalliuttorsiorpalaartumik kalaalerpalaartumik katersuuttarput, kikkullu tamarmik juulli qilanaarisarpaat nuannaarlutik.
KNR TV ukioq manna najuuteqqissaaq ualikkullu programmi nal. 14 aallartittussaq immiutissallugu, immiussallu juullimi KNR TV-kut aallakaatinneqarumaarput.
Uaikkut ilunngunartumik juullimi inuulluaqqusisoqareerpat ataatsimut nerersuartoqassaaq nalliuttorsiorpaluttumillu katerisimaartoqassalluni kalaallit nipilersugaannik nipilersugalerluni nalunaaqutaq 23:45 tungaanut, tamatumalu kingorna tamarmik angerlakaassapput, neriunarluni Danmarkip ukiornera akornutiginagu.
Juullimi inuulluaqqusineq INUIT aaqqissuuttagaasa annersaraat, nunalu tamakkerlugu kalaallit peqatigiiffippassuit qanimut suleqatigalugit aaqqissuunneqartarluni.