Atuakkat Fredensborgimiit Nuummukaanneqalerput
Fredensborgip kommuniani atuakkanik atorniartarfiit Kalaallit Nunaanni meeqqanut atuarumatuunut atuakkanik tunissuteqarpoq.
Atuarusussuseq killeqanngilaq. Taamaattumik Fredensborgimi atuakkanik atorniartarfiit ikiuussinnaanertik nuannaarutigaat, Nuummi kommunit atuarfiinit tallimaasunit apeqquteqaat qanittukkut allakkanik nakkartitsivikkut nakarmat.
Lyngby-Tårbækip aviisia allappoq.
Atuarfiit paaserusuppaat Fredensborgimi atuakkanik atuakkanik atorniartarfiit tunissutigerusussinnaasaannik sinneruttuuteqarnersut, Nuummi meeqqat danskisut akunnattoorfimminni atuarsinnaasaannik, aammalu atuarnerminnut atatillugu atuartitsissutsinut ilapertuutitut atorsinnaasaannik.
Taamalu atuakkanik atorniartarfiit atuakkat pisoqaanerusut atorneqanngitsullu ilisivinniit toqqorsivinniillu piiarlugit aallarteruttormata apeqquteqaatip takkunnera iluatsinnerusinnaanngilaq, immikkoortortami bibliotekar Hanne Ellingsen oqaluttuarpoq. Taamaattumik karsersuit atuakkanik ulikkaartut ulluni makkunani Fredensborgimiit Nuummut avannamukaarput.