Borgenimi pulaarneq
Atuartut Nuummeersut Folketingimi pulaartut
Inuit Ataqatigiit Folketingimi ilaasortaatitaat, Johan Lund Olsen Nuummi meeqqat atuarfianit atuartunit Christiansborgimi pulaarneqarpoq ataasinngormat
Nuummi Kangillinnguit Atuartianni 9.b-imi atuartut Christiansborgimut pulaarput ataasinngormat.
Tassani Inuit Ataqatigiit tunuliaqutaralugu folketingimi ilaasortaq Johan Lund Olsen pulaarpaat.
Inuit Ataqatigiit Folketingimi tusagassiutinut nalunaaruteqarpoq.
Politikkerip atuartut Christiansborgimi takornariartippai, tassanilu ilaatigut Folketingip ataatsimiittarfia aamma inersuarmi Inatsit Tunngaviusoq atuartut takuaat. Kalaallit Nunaata inersuani Aka Høeghip eqqumiitsuliaanik pinnersaasersukkami atuartut Juaap apersornissaanut periarfissinneqarput.
Klassi 21-nik atuartulik paasisassarsiorluni angalanermut atatillugu Danmarkimiippoq, ilaatigullu Kalaallit Nunaata Sinniisoqarfia Nordatlantens Brygge-miittoq pulaartussaallugu.
Assit pingasut ataani takukkit