Atuartut suli napparsimmavimmi uninngapput
Præstø-fjordimi kinngulluni ajutoornermit atuartut arfineq-marluk sungiusarteqqinneqarnerat sivisuvoq
Annonse
Efterskolimi atuartunut arfineq-marlunut, februaarip 11-ianni Lundø Efterskolip kangerlummi angalatitsinerani peqataasunut, atuartut 13-it peqataaffigisaannut, minutsialunni imaani nillertumi ilisimasimannginneq kingunerlussimavoq.
Angallat kinnguvoq ajutoornermilu atuartut arfineq-marluk ajoqusernerpaat ulluni arlalinni anersaartuuteqartereerlugit Hammel Neurocenterimut nuunneqarput sungiusaqqitsissallugit.
Ritzau ullumi, marlunngornermi, allappoq atuartut marluk qaratsimikkut ajoquserujussuarsimasut sunillu tamanik ikiortariaqartut.
Atuartut arfineq-marluk ilaat ataaseq Kalaallit Nunaanneersuuvoq.