Avannaani kommunip allaffii ammanerusalissapput
Avannaata Kommuniani kommunip allaffii sapaatip akunneranut akunnerni aqqanilinni ammanerusalissapput
Innuttaasut akornanni tusarniaasoqareernerata kingorna Avannaata Kommuniani innuttaasut kommunip allaffiisa ammasarfiisa sivisunerulernissaannik qilanaaruteqarsinnaanngorput.
Avannaata Kommunia nittartakkamini allappoq.
- Maannakkut kommunip allaffii pingasunngornikkut matoqqasarput aammalu ullaakkut quliniit ualikkut marlut tungaannut ammasarlutik, innuttaasunili tusarniaasoqareernerata kingorna ammasarfiit sivisunerulissapput. Ammasarfiit taamaasillutik sapaatip akunneranut nalunaaquttap akunnerinit 16-iniit nalunaaquttap akunnerinut 27-nut sivitsorneqassapput, ilisimatitsissutigineqarpoq.
Kommunalbestyrelsimi ilaasortat tamarmik kissaatigaat innuttaasut kissaataat malinneqassasut, taamaammallu kommunip allaffii – Ilaqutareeqarnermut Ingerlatsivik pingasunngornikkut matoqqasartoq minillugu - ataasinngornermiit tallimanngornermut sivisunerusumik ammasalissapput. Ilaqutareeqarnermut Ingerlatsiviup pingasunngornikkut matoqqasarnera isumaginninnermi allaffissornernik peqquteqarpoq.
Ammasarfiit nutaat 2019-ip aallartilaarnerani Unnuk Kulturisiorfimmi innuttaasunut tusarniaassutigineqareernerisa kingorna pilersinneqarput. Ammasarfiit nutaat 2020-mi januaarip aallaqqaataani atuutilersussat imapput:
- Ataasinngorneq: 9.00-15.00
- Marlunngorneq: 9.00-15.00
- Pingasunngorneq: 9.00-12.00 (Ilaqutareeqarnermut Ingerlatsivik matoqqassaaq)
- Sisamanngorneq: 9.00-15.00
- Tallimanngorneq: 9.00-15.00