AWG 2016
AWG 2016: Erinarsuusiorit eqquillutillu
Arctic Winter Gameseqarnerit tamaasa ilisarnaatitut erinarsuuteqartoqartarpoq. AWG 2016 erinarsuusiornermut soqutiginnittunut unammititsivoq
Annonse
AWG2016-ip allaffeqarfiata erinarsuut AWG2016-imi ilisarnaataasussaq nassaariniarlugu unammisitsivoq.
Erinarsuut minutsini pingasuni sivisussuseqassaaq. Nammineqqinnaaq erinniaallunilu taalliaassaaq, kiisalu erinarsuut kalaallisuujusinnaalluniluunniit tuluttuusinnaavoq.
AWG 2016-mit tusagassiutinut nalunaaruteqartoqarpoq.
Erinarsuut immikkut toqqakkanik nakerisarsiunngitsunik ataatsimiitsitaliamit toqqarneqassaaq 2015-imi januaarip ingerlanerani. Tamaasisoqareerpat erinarsuut immiunneqassaaq AWG2016-illu nalaani atorneqassalluni. Ajugaasoq 10.000 koruuninik akissarsitinneqassaaq.
Ilisarnaatissap erinnamigut taallamigullu AWG206-ip naleqartitai imarissavai: Ataatsimuussuseq, Paasisaqarusussuseq, Sapiissuseq.
Paasissutissat:
- 2014-imi Novembarip qaammataani unammisitsineq aallartissaaq.
- Tunniussivissaq kingulleq: 2015-imi Januaarip 15-at, nal. 12.00.
- Demo piariigaq MP3-nngorlugu USB-miisilluguluunniit AWG2016-ip allaffeqarfianut tunniunneqassaaq, imaluunniit emailimut uunga: ruth@awg2016.gl
- Ajugaasoq nalunaarutigineqassaaq 2015-imi marsip qaammataani.
- Erinarsuut immiunneqariarluni 2015-imi ukiami saqqummiunneqassaaq.