Basim meeqqanut ukiorsiutinik tunissuteqartoq
X Factorimi erinarsoqataasoq meeqqanullu atisarliortarfik Ticket to Heaven Nuummi meeqqanut pissakitsunut ukiorsiutinik tunissuteqarput.
Basim, DR-p piginnaanilinnik unammisitsinerani X-Factorimi peqataasoq atisarliortartullu meeqqanut ilaqutariinnullu immikkoortortami siusissumik iliuuseqartartunut tallimanngormat pulaarput atisarpassuarnik pajullutik.
- Nuannaarutigeqaarput tunissuteqarnerat. Meerartatsinnut atugarliortunut 2-niit 4-nut ukiulinnut ukiorsiutinik attariinnik pissarsivugut. Isumassuinerat qujanarpoq atisallu pisariaqartinneqarnerpaaffimmik nalaanni tunissutigineqarput, isumaginninnermi siunnersorti Trine Frandsen sermersooq.gl-imut oqarpoq.
Basim Ticket to Heavenilu nunani tamalaani meeqqanik ikiuiniartuupput, ilaqutariinnut pissakitsunut oqorsaatinik tunissuteqartarkutik.
Massakkut nunarput isiginiarpaat, taamaattumillu nunatsinni ilaqutariinnut pissakitsunut suliniutit assigiinngitsut maannakkut ingerlanneqartut pillugit paasisaqarnissartik soqutigaat.
Allaffissuarmut pulaarnermi aqaguani Basim Mælkebøttimut pulaarpoq, aamma tassani atisanik tunissuteqarluni.