Canadami aatsitassanik nittarsaassineq
Ukiumoortumik ataatsimeersuarneq Torontomiingerlanneqartartoq PDAC qaammatip ataatsip missaaqaangiuppat ingerlanneqassaaq. Naatsorsuutigineqarpoqataatsimeersuarnermi Kalaallit Nunaannit Danmarkimilluinuit 100-t missaanniittut peqataassasut, tassanilu ilaatigutaatsitassat qaqutigoortut sammineqassapput
Siorna Torontomi aatsitassanik nittarsaanermi PDAC-mi Kalaallit Nunaannit Danmarkimillu peqataasut aatsaat taama amerlatigaat. Ingerlatsivinnit 36-init inuit peqataasut 70-it kiisalu nunanit taakkunannga marlunnit ministerit, minnerunngitsumillu kunngissaq Frederik ataatsimeersuarnermi malunaateqarluarput.
Aviisi Sermitsiaq taama allappoq.
Naalakkersuisoqarfimmit maannamut uppernarsarneqarpoq, inuit qulit ilaaffigisaannik peqataassallutik, ilaatigut aatsitassanut naalakkersuisoq Vittus Qujaukitsoq. Sulisitsisut naapertorlugit suliffeqarfiit 29-it inuillu 53-it – siornamut sanilliullugit ikinnerulaartut – ukioq mannamut peqataaniarlutik nalunaarsimasut. Sulisitsisut sinnerlugit peqataassapput pisortaq Brian Buus Pedersen attaveqaqatigiinnermullu siunnersorti Erik Holmsgaard.
Isorliunerusuni siuariartorneq
Atlantikoq ikaarlugu peqataajartortunut programmi eqikkagaavoq tamatigoortuullunilu. Ukioq manna ataatsimeersuarnermi ilaatigut immikkut sammineqassapput nunap inoqqaavi aammalu aatsitassarsiornermik ingerlatsisut sumiiffinni periarfissat pilersissinnaasaat. Assersuutigalugu Canadami Nunavummi, Yukonip North West Territorriesillu isorliunerusortaanni siuariartornermik suliassaqartitsinermillu pilersitsinermut milisittagaqartoqarluarpoq pitsaasunik sumiiffimmi innuttaasunut iluaqutaasumik. Sammineqartussaq alla tassaavoq piiaaffimmik suliniutit atatitsisinnaasut, sammisassallu pingajuat tassaalluni aatsitassat qaqutigoortut.
Aviisimi Sermitsiami atuarnerusinnaavutit. Aviisi uani ataani pissarsiarisinnaavat: