Canadami sulisartut kattuffiat akiuinialersoq: Kalaallit Nunaanni naalakkersuisut aalisarnitsinnisunniuteqarpallaarput
Royal Greenland nunani allani sulisartut kattuffiannit akerlilersorneqalerpoq, tassanngalu ingerlatseqatigiiffik Canadami kalaallit soqutigisaannik taamaallaat ingerlatsisutut sakkortuumik saassutarineqalerluni. RG-p pasilliutit ilumuunnginnerarpai.
Paasititsiniaanermi nutaami, ilaatigut Facebookimi saqqummiunneqartumi, Royal Greenland, Newfoundlandimut Labradorimullu najukkami aalisarnermi aqutsisutut inissimajartorluni tikissimasutut ajutoornernullu tamanut pissutaasutut oqaluttuarineqarpoq, AG allappoq.
– Royal Greenland uagutsinnut nutaarsiassaavoq pitsaanngitsoq. Nunani allani naalakkersuisut (Naalakkersuisut, aaqq.) ingerlatseqatigiiffitsik aqqutigalugit aalisarnitta ilarujussua aqutsisuuffigilersimavaat, oqariartuutit sakkortuut nangeqattaarneqartullu ilaat marlussuit taama nipeqarput.
Oqariartuuteqartoq tassaavoq najukkami sulisartut kattuffiat, FFAW, ilaasortanik 15.000-inik tunuliaquteqarluni Canadap immikkoortortaani kangisinnerpaami, Royal Greenlandip suliffissuarnik iluatsilluartumik ukiuni kingullerni pisiortorfigisimasaani, malunnaateqarluartumik inissisimaffeqartoq.
Aarlerinartorsiortitsisoq
Videoliat kusanartumik suliaasut, aammali illuinnaasiortut, FFAW-imit suliarineqarsimasut – marsimilu sapaatip-akunnerini pingasuni takutinneqaqattaartussatut pilersaarutigineqartut – pingaarnertut tunngavigaat, pissutsit amerlasuut qangaanerusoq ingerlalluarnerusimanerat. Tassa Royal Greenland aalisakkanik suliffissuarmik Quin-Sea Fsheriesimik pisinermigut piginneqataalinngikkallarmat sumiiffimmilu Kalaallit Nunaannit piniutiminik siammaanngikkallarmat.
Videoliat ilaat ataaseq naapertorlugu Royal Greenland Canadami nunap immikkoortuani sinerissamiittumi aalisakkanik suliffissuarnik tunitsivinnillu 11-nik ullumikkut ingerlataqarpoq.
– Suliffeqarfinnik eqitertitsineq sinerissap qanittuani aalisarnermut nalinginnaasumik aarlerinartorsiortitsisut annersaannut ilaasimavoq, FFAW-ip siulittaasua, Keith Sullivan, paasititsinianerup qaammatip matuma aallartinnerani ilisaritinneqarnerani oqarpoq.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: