ICC
Canadap ministeriunera: ICC pingaaruteqarpoq
ICC-ip ataatsimeersuarnera ataasinngormat ammarneqarpoq, Canadallu ministeriunera Stephen Harper oqalugiartunut ilaavoq
- Issittumi nunani assigiinngitsuneersut ataatsimeersuariartornerat ilisimavara, pisortatigoortumillu Inuvimmut Canadamullu tikilluaqquassi.
Canadap ministeriunera Stephen Harper ICC-ip ataatsimeersuarnerata ammarneqarnerani oqalugiarnermini peqataasunut 600-nut oqarpoq.
Ammaanersiornermi qilaatersortoqarpoq, pisortatigoortumik oqalugiartoqarluni. Tassani Inuvimmi borgmesteri Floyd Roland, ICC Canadami siulittaasoq Duane Ningaqsiq Smith ICC-ip siuliuttaasua Aqqaluk Lynge kiisalu Canadap ministeriunera Stephen Harper oqalugiarlutik.
Namminersortuunermik takutitsisoq
- Canadamiut franskisut oqaluttut Inuit ataqqivaat pisimasuni, maannakkut siunissamilu. Canadami Inuit Canadap kinaassusaanut siuarsaasooqataavoq, Canadap namminersortuuneranik takutitseqataasoq, ministeriuneq oqarpoq.
- Inoqqaariit Inuit pingaaruteqarput aningaasatigut issittumi siuarsaanissamik Canadamut iluaqutaasussamik inissisimapput, Stephen Harper storskærmikkut oqarpoq.
- Ikinngutikka, ataatsimoorluta anguniagaqarpugut. Inoqqaat Inuit nukittuujussapput nammineersinnaassuseqassallutillu. Taamaattumik ataatsimeersuartarnerit imaattut pingaaruteqarput, ICC Canadap aaqqissuinera tulluusimaarutigaara inoqqaariit Inuit tikeraartissinnaammagit. Nuannersumik ineriartorfiusumillu ataatsimeersuartoqarnissaa neriuutigaara, Stephen Harper minutsimi ataatsimi oqalugiarnermini ilaatigut oqarpoq.