Christiania'p siunissaa ullup qeqqanut aalajangiiffigineqassaaq
illoqarfiup ilaata assortuussutigineqarnerani Højesteretip naalagaaffik tapersissappagu nivaatarsuit piareersimassanngillat. Nalunaaqutaq 12 aalajangiineqassaaq.
Christianiamiut naalagaaffiullu akornanni assortuunneq inatsisitigut naggaserneqartussaagaljuarpoq tallianngornermi nalunaaqutaq 12 Højesteret aalajangiippat.
Kingornali isummerneqartussaavoq Christianiamiut naatsorsuutigaat "politikkikkut iluarsiineqartussaq"-mik taasaat. Christianiap qarmarsuaqarfiata ilua pilerigineqartoq kikkut atuisinnaatitaanersut eqqartuussinermi pineqarpoq: Naalagaaffimik imaluunniit christianiamiut.
Østre Landsret-imi naalagaaffik isumaqatigineqarpioq, eqqartuussulli 2009-meersoq Christianiap Højesteret-imut ingerlateqqippaa.
- Qanorluunniit inerneqaraluarpat imaanngilaq christianiamiut aqagu nutserralissasut, imaluunniit tamarmik maannakkumutut najugaqaannassasut, Christianiamiut tusagassiisarfianit Thomas Ertmann Ritzau-imut oqarpoq.
- Politikkikkut aaqqiineqassaaq, eqqartuussinerlu tamakku ilagiinnarpaat, isumaqarpoq.
Eqqartuussinerup sumiiffik pillugu Folketingip 2004-mi inatsisiliaq akornuserpaa.
Nalinginnaasumik pisoqalernissaa inatsimmi pineqarpoq - ilaatigut ineqarnermut akiliisoqartalissaaq, qarmarsuaqarfimmilu illut nammineq sanaat arlallit isaterneqassasut.
Christianiamiut Højesteret-imi piumasarisimavaat aalajangersimasumik atuisinnaatitaalernissartik, imaluunniit eqqartuussisut isumaqataassasut taamaatitsinissamut piffissaliussaq sivikippallaartoq.
Københavnimi Politiini oqartoqarpoq Christiania inatsisitigut ajorsassappat eqqissiviilliortoqarnissaa naatsorsuutigineqanngitsoq.
Illussaarsuarnik Illuutinillu Nakkutilliisoqarfimmi eqqarsaatit ilumuunnginnerarpaat Højesteret landsret-itut aalajangiissappat Christiania'p ilaa isaterniarlugu nivaatarsuit piareersimassasut.