Cimber-ip timmisartuussivissaa qanilliallappoq
Ilaasut nassataannik suleqatigiinnissamik Air Greenlandip Cimber-illu pilersaarutaat qanilliallappoq.
Ilaasut nassataasa aqqusaarnermi ingerlaannaq ingerlateqqissinnaannginnerat Danmarkip nunattalu akornanni timmisartumik angalasunut manna tikillugu ajornartorsiutit annersarisimavaat. Taamaasilluni aamma Cimber Sterlingip Danmarkip nunattalu akornanni timmisartuussivimmik pilersitsinissaminik pilersaarutaanut atatillugu. Pilersaarutit tamakkua qaninnerorpasilerput Air Greenlandimik ilaasut nassataannik suleqatigiilernikkut nutaakkut. Taamatut allappoq CHECK-IN.dk
Ullumikkuminngaanniit Air Greenlandimut ilaasut isumaqatigiissut nutaaq atorlugu aqqutaa tamaat ingerlanneqarsinnaalerput Aalborgimut Aalbogimiilluunniit. Aarhusimut Aarhusimilluunniit, Billundimut Bilundimilluunniit, Karupimut Karupimilluunniit, Sønderborgimut Sønderborgimilluunniit aamma Bornholmimut Bornholmimilluunniit Cimber Sterlingimut ilaagunik.
Taamaasilluni timmisartuussivimmi tassani ilaasartorpassuit sivisuumik kissaatigisimasaat naammassineqarpoq, tusagassiorfik paasissutissiivoq.