Nakorsaatit
Containerinik tukattumik suliaqarneq nakorsaatinik amigaateqartitsivoq
Peqqinnissaqarfik nakorsaatinik aalajangersimasunik amigaateqarpoq, taamaattumillu nakorsaatit allat atorneqartariaqarput. Royal Arctic Linep qarasaasiatigut ajornartorsiornera pissutigalugu, piffissaq eqqorlugu nassiussanik tunniussisinnaannginneranik tamanna pissuteqarpoq.
Annonse
Nakorsat amerlanertigut nakorsaatit aalajangersimasut nungussimatillugit, nakorsaatinik allaanerusunik tunniussinissaminnut periarfissaqartartut, peqqissaasut pisortaat Ella Skifte KNR-imut ilisimatitsivoq.
Takusinnaanngikkai
Nakorsaatit sorliit maanna amigaatigineqarnersut takusinnaanngilaa, kisianni peqqinnissaqarfik amerlasuunik peqqumaateqartarpoq.
Nakorsaammik immikkut ittumik amigaateqartoqarpat, allaanermillu taarserneqarsinnaanngippat, taava peqqinnissaqarfiup Air Greenland atorlugu nassiussititsisarpoq, KNR taama allappoq.