Danskinik inuusuttunik naapitsineq: Nipituumik oqaluttarput, oqaluttumik akorngusiisarput malugeqqusarlutillu
Nutaamik ilinniagaqalernermi sungiunniagassaqartarpoq - Kalaallit ilinniartut oqaluppallaaratik inussiarnisaarlutillu tusarnaarnerugunik malugineqanngitsuussapput, misiligummik suliniuteqarnermut atatillgu suliamik ilisimasallit allapput
Danmmarkimi ilinniarluni aallartinneq kiserliornermik allannerusutullu misigisimanermik nassataqarsinnaavoq.
Aarhusip Universitetiani Siunnersuisarfiup kalaallit ilinniagaqartut pillugit misiligummik suliniuteqarsimanerata tamanna takutippaa.
Ilinniartut sungiunniagassaasa ilagaat, danskit inuusuttut allanik peqateqariaasiaat, Kalaallit Nunaanni pisartunit allaanerusoq.
- Kalaallit Nunaanniit Danmarkimut nuunnermi kulturikkut allanerussusaa malunnartaqaaq. Arlallit Danmarkimi feeriarsimasut danskisullu oqalulluarsinnaasut oqaluttuartarput, kulturiat qanoq ittuunersoq nalugunarnangu. Peqatigitilluguli kulturitta qanoq assigiinngitsigineratg piareersimaffiginngittarlugu, misiligummik suliniuteqarsimaneq pillugu nalunaarusiortut allapput.
Malugeqqusartut
- Arlallit (kalaallit ilinniartut) oqaluttuarisarpaat, danskit nipituumik oqaluttartut, oqaluttunik akorngusiisartut »malugeqqusartullu«, taamatut pissusilersortarneq Kalaallit Nunaanni inussiarniittutut isigineqartarpoq. Kalaallit ilinniartut tunuarsimaarunik aamma »oqaluppallaaratik tusarnaarnerugunik« malugineqanngitsoorsinnaapput, tamatumalu ataatsimoortarnerup avataaniilersissinnaavai, taamalillutillu ilinniagaqarnermut atatillugu ilinniaqatinik ilaqartarnissamut ilinniaqatigiinnulluunniit peqataanissamut sunniuteqarnerlussinnaalluni, nalunaarusiortut allapput.
Ilanngutassiaq tamaat AG-mi atuaruk – ugguuna iserfigisinnaavat: