Danskit 7608 ummattut
Movember-kampagnemik taasamik suliniutip angutit peqqissusaannik itisiliisup kinguneranik danskit angutitaasa umitik naatippaat
Angutit aqqusinermi angalaartut akornanni qaammat kingulleq anguterpassuit uummassimanerinik malunnaateqarpoq.
Ullumi peqqinnerulernissaq anguniarlugu suliniut 'Movember' naammassineqarpoq, angutit peqqissusaannik itisiliiffik aamma prostatakræftip misissuiffigineqarnissaanut aningaasanik katersivik. Danskit angutitaasa 7.608-nik ikinnerunngitsut peqataaffigaat aningaasallu 873.516 koruuninik katersisoqarpoq, aatsaat taama Danmarkimi ingerlatsisoqartoq, Urban allappoq.
Mike Nybroe, danskit Movember pillugu oqaaseqartartuat, danskit qanoq iliuuseqarsimanerat tulluussimaarutigeqaa.
- Danmarkip inissiffia tulluussimaarutigeqaarput. Angusaq tupinnaannarpoq aatsaat suliniummut Movember'imik ingerlatsinerput eqqarsaatigissagaanni. Naak suliniarneq decembarip aallaqqaataa naammassigaluartoq uisakajaaleqinaq Movemberimut aningaasanik tunisisimanngikkuit.
Movemberip nittartagaa aqqutigalugu qaammatini arlalinni suli tunisisoqarsinnaavoq.
Movemberimut tunniussinissaminnut tuaviuuteqarsimanngitsut, movember.com atorlugu 2012 apriili tikillugu umikkaat tunniussaqarsinnaasut, Mike Nybroe oqarpoq.