Dash-8 illuinnarsorluni missimavoq
Timmisartoq Dash-8 marlunngormat ualikkut Nuummi timmisartoq Dash-8 isumannaallisaanikkut mippoq. Ilaasoqanngilaq.
Marlunngormat ualikkut timmisartoq Nuummi mittarfimmi isumannaallisaanikkut mippoq.
Kalaallit Nunaanni Politiit Sermitsiaq.AG-mut ilisimatitsipput timmisartoq ajornartorsiuteqarani mittoq.
Air Greenland ilisimatitsivoq timmisartoq Nuummiit Kangerlussuarmut ingerlaartilluni motooriminik ajoquteqarneranik nalunaarfigineqartoq:
- Taamaattumik timmisartoq Nuummut uterpoq, nalunaaqutarlu pingasut missaanni illuinnarsorluni isumannaatsumik mippoq, Air Greenland ilisimatitsivoq nangillunilu:
- Timmisartortartuvut taamatut pisoqarnissaanut sungiusarneqarsimapput, timmisartullu inuttai aamma sulilluaqqipput. Timmisartut Dash-8-t illuinnarsorlutik ingerlasinnaasussatut sanaajupput. Air Greenland ajornartorsiummut suna pissutaanersoq paasiniaalluni misissuilerpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...