Demokraatit
Demokraatini ilaasortaajunnaartoqaqqilersoq
Demokraatini eqqissiviilliortoqarnerata nalaani nutaamik naalagaaffeqatigiinnerup iluani Kalaallit Nunaannik liberaliusumik kissaateqartut partiiliorniarlutik sulerpalupput
Michael Rosing marluinnik qinigaaffeqartarneq pillugu partiip siuttuinik isornartorsiuisimasoq Demokraatit naalanngitsut inaanniit soorluuna piissamaarpasinngikkaat.
Aaqqiissutissarsiorpoq
Partiip siulersuisuunerisa Rosing sulinngiffeqaqqullugu qinnuigisimagaat AG-mi kingullermi saqqummersumi atuarneqarsinnaavoq. Itigartissimavaali, taamaammallu aaqqiagiinnginneq sakkortunerusumik inerneqarsinnaavoq.
- Ilaasortaajunnaarsitsinissamik suliaqartoqarpoq. Naammassinnarianngorlugu maanna sulisoqartoq tusarfiit ilaat paasissutissiivoq.
Partiip malittarisassai malillugit taamatut suliaqarnermi siulersuisuunerit nunap immikkoortuani immikkoortortaqarfik, tassa Sermersuumi immikkoortortaqarfik, tusarniartussaavaat. Tamanna pisimavoq qanorli innersuussisoqarnersoq nalunarluni.
Siulersuisuunerit Michael Rosing ilaasortaajunnaarsinniarneraat partiip siulittaasua toqqaannartumik aperineqarami taamaannginnerarpaa.
AG-p paasisai malillugit Atassutip Demokraatillu politikkiinik iluarinnikkunnaariartorneq pillugu partiimik nutaamik talerperliusumik maanna pilersitsisoqarniarpasippoq.
Tusatsiakkat uppernarsarneqartut
Randi Evaldsenip tamanna aamma tusatsiarsimallugu oqarpoq.
- Naalagaaffeqatigiinnermik illersuisumik partiiliortoqarniartoq tusarpara, oqarpoq.