Diplomati Issittumeersoq
Naalakkersuisut nunanullu allanut ministeriaqarfiup kalaaleq qaffasissumik ilinniagalikDanmarkip NATO-mut aallartitaqarfiani atorfinitsippaat. Kinaavali? Aamma sulerissava?
Arnaavoq nunanut tamalaanut tunngatillugu misilittagartooq, Danmarkip NATO-mut aallartitaqarfianut Nalaakkersuisut aallartitarilerpaat. Taamaakkaluartoq misilittagaqarfigineqanngitsumut Lida Lennert atorfinippoq taannami kalaallini siullersaalluni aallartitarineqalerami.
Nunanut allanut ministeriaqarfiup aallartitai allat ilisimasaminik avitseqatigisassavai.
Oqaluttuarisaanermi pisoq nutaajuvoq.
- Qanoq misinnarpa?
- Ilisimasanik sanarfeqatigiinnermut Kalaallit Nunaannullu tunngatillugu paasisimasaqalernissaq pissanganarsuaarpoq, Lida Lennert akivoq.
- Arlaatigut iluartumik ilisarnartoqarpoq – aammali nutaarluinnaalluni. Bruxellesimi uagut aallartitaqarfitsinni marloriarlunga sulinikuuvunga, aallartitatut aammalu nunani tamaani suleqateqarnermut tunngatillugu katillugit ukiut qulit sinnerlugit, taamaammat suliassakka ilisimasaqarfigilluarpakka.
Lida kinguaariinneersuuvoq inuiaqatigiit aqunneqarnerisa ineriartornerani peroriartortoq. Taanna Namminersornerullutik Oqartussaagallarnerup nalaani ilinniarpoq, Namminersorlutik Oqartussanilu peroriartorluni.
- Suliffeqarnerup tungaatigut ineriartornera Kalaallit Nunaanni ilinniartitaanerup pingaarnersiorneqarnerata inerneratut isigaara. Oqaluttuaq nuannersoq, qungujulluni oqarpoq.
- Atorfimmut tulluarluarputit?
- Allat taanna nalilissavaat. Nuannaarutigiinnarpara uangaammat immikkoortumi nutaami Nuummi naalakkersuisoqarfiup NATO-milu qallunaat aallartitaqarfiani pisortaqarfiup qaninnerusumik suleqatigiilernissaannut aallartitsisoq, Skifte akivoq. Taassuma unammilligassat nutaat sulilerfigitinnagit piareerarluni Nunanut allanut tunngasunut ministeriaqarfiup allaffiani, Kunngeqarfiup NATO-mi susassaqarfiini ataqatigiissaariffiusup, piffissap ilaani sulivoq. - Ingerlatsinermi sulisut ilisarisimalerneri iluaqutaalluarpoq, oqarpoq.
Lida Lennertip apeqqarissaarfigineqarnera tamaat AG-mi sapaatip-akunnerani saqqummersumi atuaruk, uani:
