Toqutsinermi suliaq
Eqqartuussisoqarnerani oqaatsit tallimat atorneqarput
Birna Brjánsdóttirimut toqutsisimasutut unnerluutigineqartoq ullummi eqqartuussivimmi killisiorneqassaaq
Ullumi nunatta nalunaaqutaa malillugu 7.15 angutip 30-nik ukiullip eqqartuunneqarnera Reykjavikip eqqartuussiviani aallartinneqarpoq.
Taanna januarip ulluisa 13. aamma 14. akornanni unnukkut Birna Brjánsdóttirimut toqutsisimasutut unnerluutigineqarpoq.
Taanna ullumi nassuiaateqarnissaa pisussanut pingaarnernut ilaassaaq. mbl.is allappoq
Taanna toqutsisimasutut pinngitsuunerarpoq, unnerluussisussaasitaasulli uppernarsaatissaqarluarlutik isumaqarput.
Eqqaartuussinemi nassuiaanerit oqaatsit katillugit tallimat atorneqassapput, tassa tuluttut, islandimiusut, danskisut, tyskisut aamma kalaallisut. Eqqartuussinermi sisamanik nutserisoqassaaq, taakku oqaaseqaatit islandimiusuunngorlugit nutsertassavaat.
Pilersaarutit malillugit ullumi aqaguli katillugit 37-t killisiorneqassapput.