retssikkerhed
Eqqartuussissuserisut eqqartuussisoqarfiit misissoqqissaarpaat
Eqqartuussissuserisut Siunnersuisoqatigiivisa ataanni suleqatigiissitat inatsisitigut isumannaatsuuneq misissoqqissaarsimavaat
Eqqartuussiviit suliassanik annertuunik nammataqartut.
Illersuisunik ilinniartitsineq.
Aammalu nunami illersuisunik aaqqissuussinermik 2017-imi eqqussineq.
Nunatsinni eqqartuussivinnut tunngatillugu sammiviit assigiinngitsorpassuupput.
Innersuussinerit
Novembarillu 28-anni Eqqartuussissuserisut Siunnersuisoqatigiit nalunaarusiamik Nunatsinni eqqartuussisoqarfinnut tunngatillugu inatsisitigut isumannaatsuuneq aamma unammilligassat pillugit saqqummiussissapput.
Nalunaarusiaq Eqqartuussissuserisut Siunnersuisoqatigiit suleqatigiissitaannit suliarineqarpoq, taakku arlalinnik innersuussutinik saqqummiussaqassapput.
Nalunaarusiarlu novembarip 30-anni Nuummi oqallisigineqarnissaa aaqqissuunneqassaaq.
Inuit pisinnaatitaaffii
Innuttaasut pisinnaatitaaffiinut tunngatillugu, Nunatsinni piffissap sivikitsup ingerlanerani isornartorsiuilluni misissueqqissaartoqarpoq.
Institut for Menneskerettigheder aamma Kalaallit Nunaanni Inuit Pisinnaatitaaffii Pillugit Siunnersuisoqatigiit pingasunngorpat nalunaarusiaq 'Inuit pisinnaatitaaffiinut Kalaallit Nunaanni inuit pisinnaatitaaffiinnik- killiffik 2016 ' saqqummiunneqassaaq, ilaatigullu naapertuulluartumik eqqaartuussineq aamma nammineersinnaajunnaarsitsineq sammisanut ilaassapput.