Eqqartuussiviup meeqqamik atoqateqarneq pillugu suliami inuup inuttut normuanik piigaqassalluni puigoraa
Meeqqamik atoqateqarneq pillugu suliami inuup inuttut normua ersiinnartumiitinneqarpoq. Inuttut kukkuluttorneq, eqqartuussisuuneq nassuiaavoq.
Juulimi 2018-imi angut utoqqaliarsaartoq meeqqanik atoqateqarnermut tunngasunik assinik qarasaasiaminiititaqarsimasutut siaruarterisimasutullu Nunatta eqartuussisuuneqarfianit qaammatini arfinilinni pineqaatissinneqarsimasut isertitsivianniitinneqartussanngorlugu eqqartuunneqarpoq.
Aviisi AG taama allappoq.
Nunatta eqqartuussisuuneqarfiata eqqartuussinera Sermersuup Eqqartuussiveqarfianit oktobarimi 2017-imi aalajangiineranik atortussanngortinneqarpoq.
Eqqartuussinerit eqqartuussivinnit marluusunit kinaassutsimik isertuussilluni saqqummiussat eqqartuussivik.gl-imiipput. Kukkunikkulli eqqartuunneqartup inuttut normua Sermersuup Eqqartuussiveqarfianit qallunaatut allannerani takuneqarsinnaasimavoq.
- Nunatta eqqartuussisuuneqarfianit kiisalu eqqartuussiveqarfiit aalajangiineri nittartakkamut ilineqannginneranni inuit kinaassusaat isertortunngortinneqartarput, Nunatta eqqartuussisua Kirsten Thomassen AG-mut mailikkut nassuiaavoq.
Kukkuluttorneq
Taassuma aamma ilisimatitsissutigaa kinaassutsimik isertuussineq sulisunit suliarineqartarmat ilanngullugulu oqaatigalugu eqqartuussiviup sapinngisamik kinaassutsimik isertuussiniartarneranik qulakkeerinninniartaraluartoq taamaattoq kukkuluttortoqarsinnaasarmat.
Tamannalu peqqutaagunarluni eqqartuussivik.gl-ip qallunaatuuani domstol.gl-imik atuisut qammatit kingullerii pineqartup inuttut normua takusinnaasimavaat.
- Pisumi tassani inuttut kukkuluttornerup pisima nera takuneqarsinnaavoq, Kirsten Thomassen allappoq erseqqissaatigalugulu pineqartup inuttut normuata peerneqarnissaa isumagissallugu paasiniarlugulu kukkuneq qanoq pisinnaasimanersoq.
AG-p saaffiginninnerata aqaguani kukkuneq aaqqinneqarpoq eqqartuussutillu allanngortinneqarnerani maanna inuttut normoqarani ersilluni.
Suliaq pillugu allaaserisaq aviisimi AG-mi atuarsinnaavat – aviisi uani ataani pissarsiarisinnaavat: